[今年生日，我送咗份禮物俾自己]
#著得番17年前嘅衫係值得開心嘅
#唔好計我幾多歲
#我15歲畢業做營養師
抗疫大半年，我同身邊好多朋友一樣，抗疫疲勞後遺症陸續出現：脾氣差咗， 情緒低落咗，皮膚出粒粒，最重要係……肥咗。
係，營養師都會肥，營養師都要Keep。 尤其是已經生過2胎，第二胎仲要係龍鳳胎，自問並非天生麗質，唔Keep 都係好易變大媽。
居家抗疫，我都肥咗。 初初唔覺，慢慢覺得啲西褲唔啱著，人都有惰性，開始轉著鬆身衫褲；戴口罩唔駛化妝，鏡都好少望，塊面肥咗都無咩點理。
多得我身邊有啲好mean 嘅朋友同家人，耐唔耐就溫馨提示我好似肥咗：我拍片同做LIVE仲會cap圖話我塊面圓咗，個身肥咗…… 講多幾次，終於令我的起心肝，減番近呢年肥咗嗰十磅八磅。
“健康” 減肥無咩捷徑，都係飲食加運動，不過心態同意志力最重要。 身為營養師，當然有留意食物配搭同份量，但沒有set什麼特別餐單，亦沒有節食。
至於運動，由7月起每天早上落街跑步，晴天陰天雨天都跑，呢樣先最考意志。 做咗咁多年營養師，所有想減肥嘅女士，幾乎100%都係希望剩係食少啲，跟餐單就可以瘦，儘可能都唔想做運動。
今年生日，努力減番呢十磅八磅，著得番十幾年前啲衫，當係送份禮物俾自己。
各位喺疫情下走咗少少樣嘅朋友，係時候keep番啦，如果唔係有日除低口罩， 變咗大媽大叔，會脫節咖~~
互勉之~~
#你有無勇氣踏出呢半步
#呢個絕對唔係營養師營養課程廣告post
#呢位營養師唔接新客啦
#呢個時勢最緊要鬥健康鬥長命
#營養師 #Nutritionist #AnnieLee
Search